Yaxın vaxtlarda Bakıda Azərbaycan ilə Türkiyə arasında dostluğun rəmzinə çevriləcək məscidin tikintisinə başlanacaqdır.
Bunu jurnalistlərə Azərbaycan Dini Qurumlarla İş üzrə Dövlət Komitəsinin sədri Elşad İskəndərov bildirmişdir.
O demişdir: "Məscid Azərbaycan və türk xalqları arasında dostluq və qardaşlığı təcəssüm edəcəkdir. Məscidin tikilməsi ideyasını Azərbaycan Prezidenti İlham Əliyev irəli sürmüşdür".
E.İskəndərov vurğulamışdır ki, məscidin tikilməsi ideyası Türkiyə tərəfi ilə müzakirə edilmişdir və məsələ ilə əlaqədar razılıq əldə olunmuşdur. O demişdir: "Azərbaycan Prezidentinin sərəncamına əsasən məscidin tikilməsi üçün yer ayrılmışdır".
Dövlət Komitəsinin sədri demişdir: "Hazırda layihənin texniki detalları üzərində iş gedir, onlar razılaşdırıldıqdan sonra məscidin inşasına başlanacaqdır".