"Azərbaycan hüquq-mühafizə orqanlarının "Baku Crystal Hall" ərazisində və digər yerlərdə artıq qarşısı alınmış terror aktlarını ictimaiyyətdən gizlətmək haqqı var".
APA-nın "eurovision.de" saytına istinadən yaydığı xəbərə görə, bunu "Eurovision" mahnı müsabiqəsinin təşkilati məsələlər üzrə rəhbəri (event supervisor) Sietse Bakker deyib.
S.Bakker bildirib ki, Azərbaycanın belə məlumatları final şousunun sonuna qədər gizli saxlamağa tam hüququ var: "Avropa Yayımları Birliyinə bu həbslər barədə məlumat verilməyib. Belə böyük tədbirlər həmişə təhlükə yaradır, lakin biz Bakıda uğurlu və tam təhlükəsiz "Eurovision" şousunun şahidi olduq".