ABŞ-ın İsraildəki səfiri Dan Şapiro mayın 30-da jurnalistlərə açıqlamasında İranın nüvə proqramının danışıqlar yolu ilə həlli üçün imkanların tükənməkdə olduğunu bildirmişdir.
"Media forum" saytının məlumatına görə, Dan Şapiro demişdir ki, danışıqlar nəticə verməsə, İranı daha dağıdıcı sanksiyalar gözləyir: "Danışıqlar pəncərəsi bağlanmaqdadır. Nüvə probleminin sülh yolu ilə həll olunması üçün nəzərdə tutulmuş qum saatı özünün axırıncı dənələrinə gəlib çatıb. Həmin təhlükə hissinə görədir ki, ABŞ hökuməti İrana qarşı təzyiqləri gücləndirib. Əlbəttə, ABŞ bütün gücü ilə problemin hərbi yolla həll olunmasının qarşısını almağa çalışacaq. Lakin nəzərə almaq lazımdır ki, nəticəsi olmayan boş-boş müzakirələr aparmağın da faydası yoxdur".