ABŞ-ın daha iki ştatı - Nyu-Cersi və İllinoys ştatları azərbaycanlıları Respublika Günü münasibətilə təbrik etmişdir. 
Nyu-Cersi ştatının Baş Assambleyasının sədri Şeyla Oliverin imzaladığı müvafiq bəyannamədə deyilir ki, 94 il əvvəl islam aləmində azadlıq və bərabərlik prinsiplərinə əsaslanan ilk dünyəvi respublika - Azərbaycan Xalq Cümhuriyyəti yaradılmışdır.
İllinoys ştatının qubernatoru Pet Kvinsin bəyanatına əsasən mayın 28-i "Milli Azərbaycan günü" elan edilmişdir. Sənəddə deyilir ki, AXC şimalda Qafqaz dağlarından cənubda Araz çayınadək, şərqdə Xəzər dənizindən qərbdə Kərki kəndinədək uzanan ərazidə bərqərar edilmişdir. Müasir Azərbaycanın ərazisinə Qarabağ və Naxçıvan Muxtar Respublikası daxildir. Azərbaycan Respublikasının ərazi bütövlüyü, dövlət suverenliyi və müstəqilliyi Amerika Birləşmiş Ştatları tərəfindən tanınmışdır və qeyd-şərtsiz dəstəklənir.