Mayın 28-də Bakı Şəhər İcra Hakimiyyəti və "Azərbaycan Televiziya və Radio Verilişləri" Qapalı Səhmdar Cəmiyyəti Dənizkənarı Milli Parkda 28 May - Respublika Günü münasibətilə rəngarəng bayram konserti təşkil etmişlər.
Saat qülləsinin yanında bir neçə saat davam edən konsertdə şəhərimizin on minlərlə sakini və "Eurovision-2012" mahnı müsabiqəsini izləmək üçün Odlar Yurdu Azərbaycanın paytaxtı Bakıya gəlmiş qonaqlar respublikamızın tanınmış incəsənət ustalarının çıxışlarını böyük maraqla izləmişlər.
Milli Parka toplaşanlar ümummilli liderimiz Heydər Əliyevin hakimiyyətdə olduğu illərdə inkişaf edən, gündən-günə gözəlləşən və Prezident İlham Əliyev tərəfindən davam etdirilən uğurlu iqtisadi siyasət nəticəsində möhtəşəm görkəm alan doğma Bakımızın səmasını al-əlvan rənglərə boyayan bayram atəşfəşanlığını maraqla seyr etmişlər.

AzərTAc