Bakı qədimliyi və müasirliyi ilə insanı valeh edir. Buranın incilərini heyranlıqla seyr etməmək mümkün deyildir.
Bu sözləri "Eurovision-2012" mahnı müsabiqəsinin başa çatmasından sonra AzərTAc-a müsahibəsində Niderlanddan olan jurnalist Silvia van der Brankle demişdir. Bildirmişdir ki, böyük və gözəl şəhər olan Bakıda yolların, küçələrin, meydanların təmizliyi bu şəhərə gələn hər kəsə xoş təsir bağışlayır. Həmçinin sakinlər yaşadıqları şəhəri sevirlər. Onlar əcnəbi qonaqlara qarşı çox mehribandırlar. Milli yeməklərinizin dadından doymaq olmur.
"Eurovision-2012" mahnı müsabiqəsindən danışan Silvia van der Brankle Bakı şousunu yüksək qiymətləndirərək, onun uğurla başa çatdığını vurğulamışdır.