Şotlandiyalı professor "Eurovision-2012"-ni fantastik şou adlandırmışdır
"Eurovision-2012" mahnı müsabiqəsini izləmək üçün Bakıya qonaq gəlmiş şotlandiyalı professor İan Buick bir həftə ərzində Azərbaycanda gördüklərindən məmnun qalmışdır. "Mən bu ölkədə gedən inkişafa, paytaxt Bakının gözəlliyinə heyran oldum", deyə Buick Trend-ə bildirmişdir. Şotlandiyalı qonaq ölkənin böyük sıçrayışla inkişafa qədəm qoyduğunu xüsusi vurğulamışdır.
Professor İan Bucik izlədiyi "Eurovision-2012" mahnı müsabiqəsinə ev sahibliyi edən Azərbaycanın bu böyük beynəlxalq tədbiri yüksək təşkilatçılıqla həyata keçirdiyini qeyd etmiş və jurnalistlərə müsahibəsini bu sözlərlə yekunlaşdırmışdır: "Fantastik şou idi, Azərbaycan özü də fantastik ölkədir, "Baku Crystal Hall"a isə söz ola bilməz"