Bakıda hər yer təmiz və səliqəlidir, sakinləri qonaqpərvər və mehribandırlar. Ümumiyyətlə, burada görməli və gəzməli yerlər çoxdur.
Bu sözləri AzərTAc-a müsahibəsində Almaniyadan olan jurnalist Sascha Suden demişdir. On üç ildir müsabiqəyə jurnalist kimi qatıldığını deyən almaniyalı jurnalist Bakı şousunun yüksək səviyyədə təşkil edildiyini bildirmişdir. "Baku Crystal Hall" heyranedicidir. Mətbuat Mərkəzində hər hansı məsələ ilə bağlı könüllülərə müraciət etdikdə, böyük məmnuniyyətlə kömək edirlər. Sascha Suden, həmçinin burada təhlükəsizliyin qaydasında olduğunu diqqətə çatdırmışdır.
Almaniyalı jurnalist Albaniyanın, Sloveniyanın, İsveç təmsilçilərinin mahnı müsabiqəsində çıxışlarını yüksək qiymətləndirmiş, Səbinə Babayevanın gözəl səsi və ifasını xüsusilə vurğulamışdır. Jurnalist finalda bütün iştirakçılara uğurlar arzulamışdır.