Bakıda hər şey insanda yaxşı təəssürat yaradır. "Eurovision-2012" mahnı müsabiqəsi Azərbaycanda çox yüksək səviyyədə təşkil olunmuşdur.  
Bu sözləri AzərTAc-a müsahibəsində əslən avstraliyalı olan, hazırda Estoniyada yaşayan jurnalist Liam Clark və meksikalı jurnalist Rodriqo Romero Hidalqo demişlər. Onlar bildirmişlər ki, Azərbaycanda çox qısa vaxtda yüksək nəticələr əldə olunmuşdur. Həmçinin "Baku Crystal Hall"un və Mətbuat Mərkəzinin binası memarlıq nümunəsi kimi çox heyranedicidir. Jurnalisltlərin işləməsi üçün hər cür şərait yaradılmışdır. Bakı sakinləri çox istiqanlı və qonaqpərvərdirlər.
Hər iki jurnalist İslandiya, Rumıniya, Moldova, Rusiya təmsilçilərinin ifalarını yüksək dəyərləndirmiş və onlara uğurlar arzulamışlar.