Azərbaycan Respublikasının Milli Təhlükəsizlik Nazirliyindən (MTN) ötən gün keçirilən antiterror əməliyyatı ilə bağlı AzərTAc-ın sorğusuna açıqlama verilmişdir.
Bildirilmişdir ki, mayın 16-da aparılan əməliyyatlar nəticəsində 1 terrorçu məhv edilmişdir. Hazırda istintaq-əməliyyat tədbirləri davam etdirilir.
Əməliyyat tədbirləri başa çatdıqdan sonra ictimaiyyətə ətraflı məlumat veriləcəkdir.
Qeyd olunmuşdur ki, Azərbaycan Respublikasının milli maraqlarına və təhlükəsizliyinə mümkün təhdidlərin qarşısının alınması üçün bütün lazımi tədbirlər həyata keçirilir.