Ermənistan silahlı qüvvələrinin bölmələri mayın 14-də saat 10.45-dən 11.10-dək Ermənistanın Krasnoselsk rayonu ərazisindəki adsız yüksəkliklərdə yerləşən mövqelərdən Azərbaycan Ordusunun Gədəbəy rayonu ərazisindəki adsız yüksəkliklərdə, saat 18.00-dan 18.10-dək Ermənistanın Berd rayonunun Çinarlı kəndində yerləşən mövqelərdən Tovuz rayonunun Ağbulaq kəndində yerləşən mövqelərini, saat 11.10-dan 11.25-dək Xocavənd rayonunun Kuropatkino, saat 17.00-dan 17.35-dək Goranboy rayonunun Gülüstan kəndləri yaxınlığında yerləşən mövqelərdən isə üzbəüz mövqelərini atəşə tutmuşlar.
Müdafiə Nazirliyinin mətbuat xidmətindən bildirmişlər ki, erməni silahlı birləşmələri mayın 15-də saat 2.15-dən 2.30-dək Ağdam rayonunun Yusifcanlı kəndi yaxınlığında yerləşən mövqelərdən də Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur.

AzərTAc