İnformasiya texnologiyaları (İT) biznes sahəsi daxil olmaqla Azərbaycanı gözəl gələcək gözləyir. Bu barədə fikirlərini 1news-a müsahibədə Microsoft korporasiyasının Şərqi Avropanın inkişaf etməkdə olan ölkələri üzrə baş meneceri Takuya Xirano bildirib.
"Mən ali məktəblərdə daha çox insanın texnologiyalar öyrənməsini, daha çox insanın məktəblərdə təhsil almasını və Azərbaycanda ən iri sənayelərdən biri olan İT sahəsində sıçrayış baş verən məqama hazır olmasını istəyir və buna ümid edirəm. Dövlət qurumlarının nümayəndələri ilə görüşlərin nəticələri bunu etmək üçün konkret niyyətin göz qabağında olmasını göstərir", - Microsoft nümayəndəsi əlavə edib.
Piratçılıq barədə söhbət açan T.Xirano qeyd edib ki, bu, proqram təminatı istehsal edən istənilən şirkət üçün böyük problemdir. Bundan başqa, o, birgə səylər nəticəsində Azərbaycanda bu göstəricini hər il bir neçə faiz azaltmağın mümkün olmasını vurğulayıb.

M.MÜKƏRRƏMOĞLU, "Xalq qəzeti"