Dövlət Torpaq və Xəritəçəkmə Komitəsində ümummilli lider Heydər Əliyevin anadan olmasının 89-cu ildönümü münasibətilə tədbir keçirilmişdir.
Tədbir iştirakçıları əvvəlcə komitənin foyesində dahi öndərin büstü önünə gül dəstələri qoymuşlar.
Komitənin sədri Qərib Məmmədov bildirmişdir ki, xalqımız ümummilli lider Heydər Əliyev şəxsiyyətinə böyük və tükənməz sevgi bəsləyir. Ulu öndər müstəqil Azərbaycanın qurucusu və memarı olmaqla yanaşı, həm də azərbaycançılıq ideyasının yaradıcısıdır.
Digər çıxış edənlər də ümummilli liderin həyat və fəaliyyətindən danışmış, regionun siyasi güc mərkəzinə çevrilən Azərbaycanın bugünkü uğurlarından söz açmışlar.

AzərTAc