Azərbaycanın maliyyə naziri Samir Şərifov Bakıda səfərdə olan Beynəlxalq Valyuta Fondunun (BVF) Azərbaycan üzrə rəhbəri Nadim İlahinin rəhbərlik etdiyi nümayəndə heyəti ilə görüşmüşdür. 
Görüşdə Azərbaycandakı son makroiqtisadi tendensiyalar, perspektivlər, 2011-ci il dövlət büdcəsinin icrası, cari ilin büdcə proqnozları və digər məsələlər müzakirə olunmuşdur.
Azərbaycanın BVF ilə əməkdaşlığa böyük əhəmiyyət verdiyini vurğulayan S.Şərifov ölkəmizdə həyata keçirilən iqtisadi inkişaf proqramlarına fondun verdiyi töhfəni məmnunluqla qeyd etmişdir.