Azərbaycan xalqının ümummilli lideri Heydər Əliyevin anadan olmasının 89-cu ildönümünə həsr edilmiş kütləvi informasiya vasitələrinin komandaları arasında voleybol turniri finişə yaxınlaşır. Artıq ilkin mərhələ yarışlarına yekun vurulmuş, yarımfinal görüşləri də oynanılmışdır.
Turnirdə inamla çıxış edən "Xalq qəzeti"nin voleybolçuları "B" qrupunda keçirdikləri dörd oyundan üçündə qələbə qazanaraq yarımfinala çıxmış, burada isə "A" qrupunun qalibi "Yeni Azərbaycan" qəzetinin komandasını 3:0 hesabı ilə məğlubiyyətə uğratmış və finalda turnirin baş mükafatı uğrunda mübarizə aparmaq hüququ qazanmışlar.
Digər yarımfinal görüşündə AzərTAc və "Səs" komandaları qarşılaşmışlar.
Finalda komandamızın rəqibi "Səs" qəzetinin voleybolçuları olacaqlar. Həlledici görüş mayın 4-də səhər saat 10-da Azərbaycan Voleybol Federasiyasının salonunda keçiriləcəkdir.
Oqtay BAYRAMOV, "Xalq qəzeti"