"İsrailin Azərbaycan ərazisində öz hərbi bazalarını yerləşdirməsi barədə xəbərlər əsassızdır".
Bakıda səfərdə olan İsrailin xarici işlər naziri Aviqdor Liberman bu sözləri APA-nın sualını cavablandırarkən demişdir:
"Bu kimi xəbərlər elmi fantastika sahəsinə aiddir və həqiqətə uyğun deyil. Belə xəbərləri zəngin fantaziyaya sahib olan insanlar yazırlar".
Xatırladaq ki, ABŞ-da nəşr olunan "Foregn Policy" jurnalı Azərbaycanın öz aerodromlarını İsrailə icarəyə verdiyi iddiasını irəli sürmüşdü. Rəsmi Bakı bu xəbərləri ən müxtəlif səviyyələrdə təkzib etmişdir.