Bakıdakı Britaniya Məktəbi və diplomatik nümayəndəliklərin rəhbərlərinin xanımları Buzovna qəsəbəsində yerləşən 13 nömrəli internat məktəbinin hamamının yenidən bərpasına maliyyə yardımı göstərmişlər. Təmir işləri ilə yerində tanış olmaq üçün iyunun 3-də Britaniya Məktəbinin nümayəndələri və diplomatik nümayəndəliklərin rəhbərlərinin xanımları internat məktəbinə gəlmişlər.
Polşanın Azərbaycandakı səfirinin xanımı Aldona Krajevska Bakıdakı Britaniya Məktəbinin bu işdə onlara dəstək verməsini yüksək qiymətləndirmişdir. Biz, səfirlərin xanımları burada gedən bərpa işləri ilə maraqlanmaq üçün Buzovnaya gəldiyimizə görə çox sevinirik.
Britaniya Məktəbinin rəhbəri Deyvid Draper demişdir ki, onlar bu xeyriyyə işinə səfirlərin xanımlarının məsləhəti ilə qoşulublar. Xanımlar internat məktəbi ilə artıq üç ildir ki, işləyirdilər. Bizə dəstək üçün təklif gələndə məmnuniyyətlə bunu qəbul etdik. Hesab edirəm ki, ehtiyacı olanlara yardım etmək vacib işdir. Biz bu gün burada yalnız hamamın təmir işləri ilə tanış olmaq üçün deyil, həm də Britaniya Məktəbinin şagirdləri adından buradakı uşaqlara hədiyyələr gətirmişik.
AzərTAc{nl}