Ədliyyə Nazirliyinin Müsabiqə Komissiyası ədliyyə orqanlarına qulluğa qəbulla bağlı test imtahanında müvəffəqiyyət qazanmış 147 namizədlə müsabiqənin ikinci mərhələsində fərdi qaydada söhbət keçirilməsinə iyunun 21-dən başlanılmasını qərara almışdır.
Ədliyyə Nazirliyinin mətbuat xidmətindən bildirmişlər ki, qaydalara müvafiq olaraq nazirliyin inzibati binasında (Bakı şəhəri, İnşaatçılar prospekti 1) keçiriləcək söhbətə dəvət edilən hər bir namizədə söhbətin tarixi və vaxtı barədə əvvəlcədən məlumat veriləcəkdir.
Söhbətə gələnlər özləri ilə şəxsiyyət vəsiqəsini gətirməlidirlər.