Son illər ölkəmizdə reklam işinin inkişafı istiqamətində xeyli uğurlar qazanılmışdır. Dünya reklam bazarının gücləndiyi bir dövrdə Azərbaycanda da bu sahəyə diqqət yetirilməsi, əslində, dövrün tələbi idi. 
- Azərbaycanda reklam bumu ötən əsrin 90-cı illərində başladı və insanlar illərlə informasiya qıtlığında yaşadıqları üçün bu reklamlar onlar üçün bir növ "qida" mənbəyi rolunu oynadı. Həmən dövrdə hansısa reklamda səslənənlər hətta dillər əzbərinə çevrilirdi. Küçələrə vurulmuş reklam lövhələri isə diqqətlə izlənirdi. Sonralar məlumat mənbələrinin sayı artdıqca insanlar daha az reklamları yadda saxlamağa və nəzər yetirməyə başladı. Əvvəllər televiziya, qəzet və radio mənbələri var idisə, indi küçədə hər addımbaşı yerləşdirilmiş bilbordlar, internetdə banerlər, magazalarda asılan plakatlar, evlərə və hətta ofislərimizə göndərilən kitabçalar reklam daşıyıcılarıdırlar. İndi reklamın bu və ya digər dərəcədə bazarı formalaşmaqla yeni ənənələri yaranmaqdadır,- deyə Azərbaycanda İSO sertifikatı ilə işləyən ilk reklam şirkəti "RM" İstanbul - reklam marketin baş direktoru Kaya Karslı soyləyir.
O, indi 10 yaşını qeyd edən şirkətin yaranma tarixindən də həvəslə danışır:
- 1996-cı ildə reklam sektoruna girdik, uzun iıllər satıs işində və Azərbaycanın ən böyük sirkətində 8 il market işində çalışdım. 2003-cü ildə " İstanbul - reklam marketi" yaratmaq qərarına gəldik. Devzimiz "Böyük dusunun..." oldu. Biz buna həm inandıq, həm də reklam işində uğurlar qazanmaqla, bu uğurları ölkəmiz Azərbaycana da qazandırdıq. Bir il əvvəl Azərbaycanda İSO sertifikatı ilə işləyən ilk reklam şirkəti olduq.
Kaya bəy reklam işindən danışarkən deyir ki, reklamın əhəmiyyəti əmtəə və xidmətlərin mövcudluğunu geniş auditoriyaya çatdırmaqdır. Reklam pullu fəaliyyət növüdür, həm də incəsənətin bir çox elementlərindən istifadə baxımından mədəniyyət aktıdır. Biz də onun fikirləriniə şərik olur və başcılıq etdiyi "RM" İstanbul- reklam marketin çoxsaylı kollektivini 10 illiyi münasibəti ilə təbrik edirik.