Türkiyənin Qars vilayətinin valisi Əhməd Kara keçirdiyi mətbuat konfransında bildirmişdir ki, bütün türk dünyası və Avrasiya məkanı üçün mühüm əhəmiyyət kəsb edən Bakı-Tbilisi-Qars (BTQ) dəmir yolunun 76 kilometrlik Türkiyə hissəsində tikinti işlərinin 98 faizi tamamlanmışdır.
Tunellər, torpaq və qazma işləri bitmək üzrədir və dəmir yolu reyslərinin döşənməsi üçün yeni bir tender keçiriləcəkdir.
Qarsda 400 min kvadratmetr sahədə yerləşəcək böyük logistika mərkəzinin yaradılması ilə bağlı hazırlıq işlərinin tamamlandığını da diqqətə çatdıran vali demişdir ki, BTQ layihəsinin başa çatması ilə bağlı ilin sonunadək yeni dəmir yolu stansiyasının tikintisi üçün də martın 26-da tender keçirilmişdir.

Oqtay BAYRAMOV AzərTAc-ın xüsusi müxbiri
Ankara