"ATƏT ilə Azərbaycan arasında 20 il əvvəlki əlaqələri müqayisə etdikdə görürük ki, hazırkı əlaqələrin inkişafında böyük dəyişikliklər var".
APA-nın məlumatına görə, bu fikirləri ATƏT-in Bakı ofisinin rəhbəri, səfir Koray Tarqay jurnalistlərə açıqlamasında demişdir: "1992-ci illə müqayisə etsək, Azərbaycanda böyük inkişafın şahidi olarıq. Buna paralel olaraq ATƏT ilə Azərbaycan arasında ikitərəfli əlaqələrdə mühüm irəliləyiş əldə olunmuşdur. Azərbaycan ATƏT-in fəaliyyətinə vacib töhfə verir. Hər il təqribən 80-90 layihə həyata keçirilir. Hazırda isə 2013-ci il üçün həyata keçiriləcək birgə layihələrin hazırlanması istiqamətində müvafiq iş aparılır və gələn həftə Vyanaya göndərilməsi gözlənilir. Bütün bu layihələrin həyata keçirilməsində Azərbaycanla birgə əməkdaşlıq mövcuddur.