Tikintiyə icazənin verilməsi ilə bağlı "vahid pəncərə" prinsipi tətbiq olunacaqdır.
Bunu aprelin 13-də Bakıda Şəhərsalma və Tikinti Məcəlləsinin layihəsi üzrə ictimai dinləmələrdə Milli Məclisin inzibati və hərbi qanunvericilik şöbəsi müdirinin müavini, məcəllə üzərində çalışan işçi qrupunun rəhbəri Səyyad Kərimov bildirmişdir.
Onun sözlərinə görə, tikintiyə icazə almaq istəyən şəxs bir dövlət qurumuna müraciət edəcək, cavabı da ondan alacaqdır. Hələlik bunun hansı qurum olacağı müəyyənləşməmişdir.
Məcəllədə icazələrin verilməsi qaydasına görə isə obyektlər 3 kateqoriyaya bölünmüşdür. Bunlar tikintisinə icazə tələb olunan, icazə tələb olunmayan və məlumatlandırma icraatı əsasında tikintisi aparılan obyektlərdir.

AzərTAc