Aprelin 10-da havanın maksimal temperaturu Bakıda 31,5 dərəcə isti təşkil etmişdir ki, bununla da 1956-cı ildəki sutkalıq rekord göstərici (24,5 dərəcə) yenilənmişdir.
Bu barədə çərşənbə günü Trend-ə Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilmişdir.
Məlumata görə, aprelin 12-də isə Bakıda və Abşeron yarımadasında dəyişkən buludlu, yağmursuz hava şəraiti hökm sürəcək. Səhər bəzi yerlərdə duman olacağı proqnozlaşdırılır.
Gündüz mülayim cənub küləyi əsəcək. Havanın temperaturu gecə 11-16, gündüz 23-28 dərəcə isti olacaq.