Müdafiə Nazirliyinin mətbuat xidmətindən verilən məlumata görə, Ermənistan silahlı qüvvələrinin bölmələri mayın 31-də saat 10.30-dan 10.45-dək Füzuli rayonunun ərazisindəki adsız yüksəkliklərdə, saat 11.35-dən 11.50-dək Tərtər rayonunun Göyarx kəndi yaxınlığında, saat 14.50-dən 15.50-dək Goranboy rayonunun ərazisindəki adsız yüksəkliklərdə, saat 23.40-dan 23.58-dək və iyunun 1-də saat 00.00-dan 00.15-dək Ağdam rayonunun Sarıcalı və Cəvahirli kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur.
İtki yoxdur.
AzərTAc