Professor Siruz Abasbəyli Beynəlxalq Rabitə Akademiyasının həqiqi üzvü seçilmişdir.
Bu haqda qərar Akademiyanın rəyasət heyətinin fevralın 21-də keçirilmiş iclasında qəbul edilmişdir. Martın 1-də keçirilmiş növbəti iclasda isə alimə Akademiyanın diplomu və vəsiqəsi təqdim edilmişdir.
Siruz Abasbəyli uzun müddətdir ki, Akademiyanın təşkil etdiyi forum, simpozium və konqreslərdə məruzələrlə, müxtəlif elmi dərgilərdə isə məqalələrlə müntəzəm çıxış edir. S.Abasbəyli bu elmi quruma seçilən ilk azərbaycanlı alimdir.
Qeyd edək ki, Beynəlxalq Rabitə Akademiyasının qərargahı Moskva şəhərində yerləşir. Akademiyanın 30 ölkəni təmsil edən min nəfər həqiqi üzvü vardır. Akademiyanın Rusiyanın ayrı-ayrı bölgələrində, həmçinin müxtəlif ölkələrdə bölmələri fəaliyyət göstərir. Qurumun Azərbaycanda da bölməsinin açılması nəzərdə tutulur.