Bakıda Oracle korporasiyası tərəfindən yerli tərəfdaş - SİNAM şirkətinin dəstəyi ilə təşkil olunan Oracle Day biznes və innovasiya forumu keçirilmişdir.
Forumda biznes və hökumət sektoru üçün nəzərdə tutulan proqram həlləri sahəsindəki dünya trendləri müzakirə olunub. Türkiyə, İsveçrə və Azərbaycan mütəxəssisləri İT-texnologiyaların uğurlu tətbiqindən danışıblar. Əsas çıxışlar Oracle korporasiyasının Oracle Keynote, RAJ, Active DataGuard, Fast-Start Failover, DataGuard Broker kimi texnologiyalarını əhatə edib, eləcə də Oracle Exalytics in-Memory serverinin tətbiqinə ayrıca təqdimat həsr olunub. Forumda biznes və hökumət sektorunu təmsil edən yüzdən çox nümayəndə iştirak edib.

M.MÜKƏRRƏMOĞLU,"Xalq qəzeti"