Yeni Azərbaycan Partiyası (YAP) sədrinin müavini-icra katibi, Milli Məclisin deputatı Əli Əhmədovun rəhbərlik etdiyi nümayəndə heyəti İtaliyada səfərdədir.
YAP mətbuat xidmətindən bildirmişlər ki, səfər İtaliyanın keçmiş baş naziri, "Popolo della Liberta" partiyasının rəhbəri Silvio Berluskoninin dəvəti ilə həyata keçirilir.
Azərbaycan nümayəndə heyətinə Milli Məclisin deputatları, YAP xarici əlaqələr şöbəsinin müdiri Asəf Hacıyev və Azərbaycan - İtaliya parlamentlərarası əlaqələr üzrə işçi qrupun rəhbəri Azər Kərimli daxildirlər.
Əli Əhmədov martın 12-də Milan şəhərində, "Popolo della Liberta" partiyasının rəhbəri Silvio Berluskoni ilə görüşmüşdür.
Görüşdə Azərbaycan-İtaliya münasibətlərinin indiki durumu, Yeni Azərbaycan Partiyası ilə "Popolo della Liberta" partiyası arasında ikitərəfli əlaqələrin hazırkı vəziyyəti və inkişaf perspektivləri barədə ətraflı fikir mübadiləsi aparılmışdır.