Bakı-Qazax-Böyük Kəsik-Bakı ikiqruplu sərnişin qatarı ayrı-ayrılıqda hərəkət edəcəkdir.
"Azərbaycan Dəmir Yolları" Qapalı Səhmdar Cəmiyyətinin mətbuat katibliyindən bildirmişlər ki, istehsalat zərurəti ilə əlaqədar cari il martın 16-dan etibarən 662-666/661-665 nömrəli Bakı-Qazax-Böyük Kəsik-Bakı ikiqruplu sərnişin qatarı ayrılaraq 662/661 nömrəli Bakı-Qazax-Bakı və 666/665 nömrəli Bakı-Böyük Kəsik-Bakı sərnişin qatarları ilə əvəz ediləcəkdir.
662/661 nömrəli Bakı-Qazax-Bakı sərnişin qatarı martın 16-da Bakıdan saat 22.20-də, Qazaxdan isə martın 17-də saat 19.50-də yola düşəcəkdir.
666/665 nömrəli Bakı-Böyük Kəsik-Bakı sərnişin qatarı isə martın 16-da Bakıdan saat 20.10-da, Böyük Kəsikdən martın 17-də saat 18.40-da yola düşəcəkdir.