Azərbaycan-Kanada Təşkilatları Assosiasiyası (AKTA) Azərbaycanın işğal olunmuş torpaqlarında Ermənistanın məhkumların məskunlaşdırılması siyasətinə dair etiraz bəyanatı yaymışdır. 
AKTA-dan daxil olmuş bəyanatda Azərbaycanın işğal olunmuş torpaqlarında Ermənistanın məhkumların məskunlaşdırılmasına dair siyasəti tənqid edilir. Bəyanatda müstəmləkəçilik dövrlərində geniş tətbiq olunan belə bir təcrübənin mənfi fəsadlar doğurması xüsusi vurğulanır.
Bundan əlavə, bəyanatda AKTA Kanada hökumətini Ermənistanın məlum niyyətini pisləməyə və Ermənistan-Azərbaycan, Dağlıq Qarabağ münaqişəsinin sülh yolu ilə həllinə xələl yetirə biləcək istənilən addımdan çəkindirmək məqsədilə beynəlxalq ictimaiyyəti Ermənistan rəhbərliyinə təzyiq göstərməyə çağırır.