ABŞ-ın Nyu-Cersi ştatının qubernatoru Kris Kristi və vitse-qubernator, leytenant Kim Qadaqno Nyu-Cersi ştatının Xocalı qətliamı qurbanlarına ehtiramlarını ifadə edərək birgə bəyanat yaymışlar.
Bu barədə APA-nın müxbirinə qubernatorluqdan məlumat verilmişdir.
Bəyanatda deyilir: "Nyu-Cersi ştatı adından, biz ABŞ-Azərbaycanlıları Şəbəkəsi, həmçinin erməni və rus əsgərləri tərəfindən Dağlıq Qarabağ müharibəsinin dəhşətli faciəsinin - qaçmağa cəhd edərkən yüzlərlə etnik azərbaycanlının qətlə yetirildiyi Xocalı qətliamının 20-ci ildönümünü yad edən hər kəslə həmrəy olduğumuzu bildiririk".
ABŞ Azərbaycanlıları Şəbəkəsi Xocalı qətliamının ABŞ qubernatoru tərəfindən tanınmasını təsdiq edən mühüm sənəd olan bu bəyanatı alqışlamışdır.
Şəbəkə bildirir ki, Nyu-Cersi ştatı Xocalı qətliamını tanıyan ilk ABŞ ştatı olmuşdur.