Xocalı soyqırımı 20 il əvvəl dünyanın gözü önündə baş verən və insanlıq adına ləkə gətirən bir hadisədir.
Bunu jurnalistlərə müsahibəsində Türkiyə Respublikasının daxili işlər naziri İdris Naim Şahin demişdir. Nazir bildirmişdir ki, Xocalı soyqırımı insanlıq tarixində qara ləkədir: "Türkiyə dünyanın harasında baş verməsindən asılı olmayaraq, insanlığa qarşı yönələn qətliamlara qarşıdır. Türkiyə insanlığın yaşamasını istəyir. Tarixdə bizi utandıracaq hər hansı olay yoxdur. Türk milləti heç zaman, dünyanın heç bir yerində məzlumlara əl qaldırmamışdır".
Xocalı soyqırımına görə, Azərbaycan xalqına başsağlığı verən İdris Naim Şahin demişdir ki, Xocalı soyqırımının 20-ci ildönümü Azərbaycanda olduğu kimi, Türkiyədə də anılır. Türkiyə hər zaman Azərbaycanın haqlı mübarizəsində onun yanında olacaqdır.

AzərTAc