ABŞ-dakı Azərbaycan icması Xocalı faciəsinin 20-ci ildönümü münasibətilə fevralın 24-də Ermənistanın Vaşinqtondakı səfirliyinin binası qarşısında etiraz aksiyası keçirəcək.
APA-nın Vaşinqton müxbiri xəbər verir ki, aksiyada Azərbaycanın Qarabağ bölgəsinin Ermənistan tərəfindən işğalı pislənəcək, aksiya iştirakçıları erməni terrorunun bütün qurbanlarına ədalət tələb edəcəklər.
Polis aksiyanın keçirilməsinə razılıq vermişdir. Təşkilatçılar bildiriblər ki, lazımi qanuni prosedurlara əməl olunmasından və hava şəraitindən asılı olaraq iştirakçılar Ağ Evə qədər yürüş keçirə bilərlər.