Azərbaycanda həyata keçirilən "Elektron məktəb" layihəsinin növbəti mərhələsi elektron kartlarla bağlı olacaq.
APA-nın xəbərinə görə, bu barədə Bakı Şəhəri üzrə Təhsil İdarəsinin sektor müdiri Zəminə Əliqızı məlumat vermişdir. Onun sözlərinə görə, layihəyə əsasən, şagird məktəbə daxil olarkən onun valideyninə bu haqda SMS göndəriləcək. Eyni zamanda şagird məktəbi tərk edərkən də belə bildiriş ötürüləcək. Şagirdin bədəninin hərarəti haqda da valideynlərinə SMS göndərilməsi nəzərdə tutulur: "Amma bu böyük vəsait tələb etdiyi üçün gələcəkdə həyata keçiriləcək".
"Elektron məktəb layihəsi"nə artıq 20 məktəb qoşulmuşdur. Onlardan 10-a yaxını Bakı Şəhəri üzrə Təhsil İdarəsinin tabeliyində olan məktəblərdir. "Elektron məktəb" layihəsi çərçivəsində artıq "1 kompyuter 1 şagird", "SMS gündəliklər" mərhələləri həyata keçirilmişdir. "Distant təhsil" mərhələsi isə hazırda həyata keçirilməkdədir.