Bu il Davosda Azərbaycan özünü çox yaxşı tərəfdən göstərmişdir. AzərTAc Türkiyə KİV-lərinə istinadla xəbər verir ki, bunu Türkiyənin Avropa İttifaqı işləri üzrə dövlət naziri Egemen Bağış bildirmişdir. 
Nazir demişdir: "Forum iştirakçıları Azərbaycanın sürətli inkişafına heyran qalmışlar".
O vurğulamışdır ki, Prezident İlham Əliyevin forumda iştirak etməsi və Azərbaycana həsr olunmuş bir neçə tədbirin keçirilməsi dünya birliyinin diqqətini ölkəyə çəkmişdir. Türkiyə də Azərbaycana yaxın və qardaş ölkə kimi onun uğurları ilə qürur duyur.