Azərbaycan Respublikası Milli Məclisinin ATƏT Parlament Assambleyasındakı nümayəndə heyəti bu təşkilatın fevralın 22-də Vyanada başlayacaq qış sessiyasında Dağlıq Qarabağ münaqişəsi ilə bağlı məsələ qaldıracaqdır.
Bu sözləri jurnalistlərə Milli Məclis sədrinin müavini, Azərbaycanın ATƏT PA-da nümayəndə heyətinin rəhbəri Bahar Muradova demişdir.
B.Muradova bildirmişdir ki, Azərbaycan nümayəndə heyəti Türkiyədən olan millət vəkilləri ilə birlikdə Xocalı soyqırımı, eləcə də Fransa Senatının qəbul etdiyi qondarma "erməni soyqırımı"nı inkar edənlərə qarşı cəza tədbirləri nəzərdə tutan qanun barədə məsələni də gündəliyə gətirəcəkdir. Əsas məqsəd avropalı deputatların diqqətini Fransanın ermənipərəst rəhbərliyinin heç bir ədalət prinsipinə və beynəlxalq hüquq normalarına uyğun gəlməyən mövqeyinə yönəltməkdir.
Bu məsələlər həm iclaslarda, həm də ikitərəfli görüşlərdə diqqət mərkəzində olacaqdır.

AzərTAc