Yanvarın 25-də Azərbaycan Respublikasının fövqəladə hallar naziri Kəmaləddin Heydərov ATƏT-in Bakı ofisinin rəhbəri Koray Tarqay ilə görüşmüşdür.  
Fövqəladə Hallar Nazirliyindən bildirmişlər ki, K.Heydərov nazirliyin fəaliyyət istiqamətləri, strukturu və xarici dövlətlərin müvafiq qurumları ilə əməkdaşlığı barədə ətraflı məlumat vermiş, FHN və ATƏT arasında ikitərəfli əlaqələrin səviyyəsindən razılığını bildirmiş, neft dağılmalarına qarşı hazırlıq sahəsində əməkdaşlığın davam etdirilməsinin vacibliyini vurğulamışdır.
Koray Tarqay hər iki qurum arasında davamlı münasibətlərin böyük potensialından istifadə olunmasının zəruriliyini qeyd etmişdir.
Görüşdə FHN ilə ATƏT arasında əməkdaşlığın vəziyyətinə və perspektivlərinə dair məsələlər ətrafında fikir mübadiləsi aparılmışdır.