Ukraynanın Azərbaycandakı səfiri Aleksandr Mişenko yanvarın 25-də fövqəladə hallar naziri, general-polkovnik Kəmaləddin Heydərovla görüşmüşdür.  
Görüşdə K.Heydərov nazirliyin struktur qurumları, həyata keçirilən layihələr barədə ətraflı məlumat vermişdir. Nazir fövqəladə halların idarə edilməsi sahəsində zəngin təcrübəyə malik dövlətlərin müvafiq qurumları ilə, habelə beynəlxalq və regional təşkilatlarla əlaqələrin inkişafı istiqamətində görülən işlərdən danışmışdır.
Səfir hər iki ölkənin müvafiq dövlət qurumları arasında əməkdaşlığın dərinləşməsinin vacibliyini vurğulamışdır.
Fövqəladə Hallar Nazirliyindən bildirmişlər ki, görüşdə iki ölkənin müvafiq qurumları arasında əməkdaşlığın genişləndirilməsi, təcrübə mübadiləsinin təşkili və digər məsələlər müzakirə olunmuşdur.

AzərTAc