Təhsil naziri Misir Mərdanov 20 Yanvar faciəsinin 22-ci ildönümünün qeyd olunması barədə əmr imzalamışdır. Əmrə əsasən yanvarın 19-da ümumtəhsil məkətəbələrində və məktəbdənkənar təhsil müəssisələrində ilk dərslərin və məşğələlərin 20 Yanvar faciəsinə həsr olunacağı göstərilirdi.
Bakı Şəhəri üzrə Təhsil İdarəsində də buna uyğun olaraq xüsusi əmr imzalanmış və dünən paytaxtın bütün ümumtəhsil məktəblərində və məktəbdənkənar müəssisələrində ilk dərs 20 Yanvar faciəsinə həsr olunmuşdur.
Bakı şəhəri 1 saylı məktəb də bu tədbirə qoşulmuşdur. Məktəbdə ilk dərslər şəhidlərin anılması ilə başlamışdır. Hər sinfin özünə uyğun proqram əsasında dərslər keçilmiş, uşaqlar 20 Yanvar haqqında şeirlər söyləmişlər.
Dərslərdə 20 Yanvar faciəsinin xalqımızın azadlıq ruhunu qırmadığı, əksinə, müstəqilliyimizin əldə olunmasında Qanlı Yanvarın müstəsna rol oynadığı bildirilmişdir.
Məktəbin direktoru Elida Rzayeva birdirmişdir ki, bu gün yetişməkdə olan nəslə 20 Yanvar haqqında həqiqətlərin çatdırılması çox vacibdir. Müəllimilərimiz bu dərslərə xüsusi diqqət yetirir. Bu faciə bizim tariximizin şanlı səhifəsidir.

M.MÜKƏRRƏMOĞLU, "Xalq qəzeti"