Azərbaycan Dövlət Neft Şirkətinin (ARDNŞ) yaxın vaxtlarda səhmdar cəmiyyətə çevriləcəyi və özəlləşdiriləcəyi ilə bağlı məlumatlar həqiqətə uyğun deyil. "APA-ECONOMICS"in xəbərinə görə, ARDNŞ prezidenti Rövnəq Abdullayev bunların şayiə olduğunu bildirmişdir.
Qeyd edək ki, bu məlumatlar uşaq bağçaları və səhiyyə müəssisələri ARDNŞ-ın balansından çıxarılandan sonra yayılmışdır.
R.Abdullayev demişdir ki, qeyri-profil aktivlərin şirkətin balansından çıxarılması şirkətin beynəlxalq standartlara uyğunlaşdırılması və beynəlxalq reytinq alınması ilə bağlıdır.