"Azərbaycan Dəmir Yolları" Qapalı Səhmdar Cəmiyyətində 20 Yanvar faciəsinin 22-ci ildönümünün keçirilməsi ilə bağlı tədbirlər planı hazırlanıb.
Tədbirlər Planına əsasən, yanvarın 20-də saat 6.00-dan 23.00-dək Abşeron şəhərətrafı zonada hərəkət edən elektrik qatarlarında gediş-gəliş pulsuz olacaq. "Azərbaycan Dəmir Yolları" Qapalı Səhmdar Cəmiyyətinin mətbuat katibliyinin rəisi Nadir Əzməmmədovdan aldığımız məlumata görə, 20 Yanvar günü saat 12.00-da anım dəqiqəsində qatarların hərəkəti dayandırılacaq, lokomotivlər həyəcan fiti verəcəklər. Bundan başqa cəmiyyətin müəssisə və təşkilatlarında 20 Yanvar faciəsinin 22-ci ildönümü ilə bağlı anım tədbirləri keçiriləcək, faciə zamanı şəhid olan və yaralanan dəmiryolçuların ailə üzvlərinə maddi yardımlar paylanacaq, "Azərbaycan Dəmir Yolları" Qapalı Səhmdar Cəmiyyətin kollektivi Şəhidlər Xiyabanını ziyarət edəcək.

Qabil YUSİFOĞLU, "Xalq qəzeti"