Çinin beynəlxalq ehtiyatları ötən ilin IV rübündə 20 milyard dollar azalaraq 3,18 trilyon dollara enib. "APA-ECONOMICS"in "Bloomberg"ə istinadən verdiyi xəbərə görə, bu, 1998-ci ilin II rübündən bəri ilk azalmadır.
Çinin ehtiyatlarının azalması kapitalın dollar aktivlərinə axını və valyuta ehtiyatlarının (dollar ehtiyatları istisna olmaqla) yenidən qiymətləndirilməsi ilə bağlıdır. Belə ki, IV rübdə avronun dollara məzənnəsi 3,2 faiz azalıb ki, bu da ehtiyatlara ciddi təsir edib.
Ehtiyatların azalması Çini ABŞ və Avropanın tələb etdiyi yuanın revalvasiyasından imtina etməyə məcbur edə bilər.
Qeyd edək ki, ötən ilin oktyabrında Çinin valyuta ehtiyatları 3,27 trilyon dollar təşkil etməklə tarixi maksimuma çatıb.