Bir ildən sonra Gürcüstanı Avropa ilə birbaşa dəmiryol xətti birləşdirəcək. Trend-in məlumatına görə, bunu Türkiyədə səfərdə olan Gürcüstan Prezidenti Mixeil Saakaşvili bəyan edib.
Onun sözlərinə görə, Gürcüstanın Türkiyə və Azərbaycanla birgə inşa etdiyi Bakı-Tbilisi-Qars dəmir yolu ilə ilk sərnişin Avropaya 2013-cü ildə yola düşəcək.
Prezidentin qeyd etdiyi kimi, Türkiyə Gürcüstan üçün Avropaya pəncərədir. Bütün bunlarla yanaşı, onun sözlərinə görə, Gürcüstanın iqtisadi inkişafı əhəmiyyətli dərəcədə Türkiyə ilə sıx əməkdaşlıqla şərtlənir.
Məlum olduğu kimi, dəmiryol layihəsinin həyata keçirilməsi üçün Gürcüstan Azərbaycandan təqribən 700 milyon dollar kredit almışdır.