ABŞ -ın dövlət katibinin Avropa və Asiya məsələləri üzrə köməkçisinin müavini Erik Rubin yanvarın 18-19-da ilk dəfə Azərbaycana gələcəkdir. 
AzərTAc xəbər verir ki, səfər çərçivəsində E.Rubin Azərbaycanın rəsmi şəxsləri ilə bir sıra görüşlər keçirəcəkdir. Görüşlərdə ikitərəfli münasibətlərin inkişaf etdirilməsi məsələləri müzakirə olunacaqdır.
Qeyd edək ki, dövlət katibi köməkçisinin müavini bu vəzifəyə keçən ilin iyulunda təyin edilmişdir. E.Rubin Tina Kaydanaunu əvəz etmişdir. T.Kaydanau 2010-cu ilin oktyabrında Azərbaycana gəlməyi planlaşdırsa da, səfər təxirə salınmışdı.