Nəqliyyatı intellektual idarəetmə layihəsinin ikinci mərhələsi çərçivəsində marşrut avtobuslarında "online" bilet satışına başlanılacaqdır.
Nəqliyyat Nazirliyindən bildirmişlər ki, hazırda nəqliyyatı intellektual idarəetmə layihəsinin birinci mərhələsi həyata keçirilir. Marşrut avtobuslarında "online" bilet satışının tətbiqinə isə ikinci mərhələdə başlanılacaqdır. Nəqliyyatı intellektual idarəetmə layihəsi çərçivəsində indiyədək ümumilikdə 4 min 86 avadanlıq quraşdırılmışdır. Bunların da 2 min 96-sı avtobuslardadır.
Xatırladaq ki, ötən il dekabrın 29-da Bakıda Nəqliyyatı İntellektual İdarəetmə Mərkəzi istifadəyə verilmişdir. Mərkəzin fəaliyyətinin əsas məqsədi paytaxtda nəqliyyat sisteminin təkmilləşdirilməsi, nəqliyyat xidmətlərinin keyfiyyətinin yüksəldilməsi, ictimai nəqliyyatın hərəkətinin tənzimlənməsi və hərəkət marşrutlarının optimallaşdırılmasıdır.

AzərTAc