Azərbaycan Hesablama Palatası 2012-2014-cü illər üçün palatanın Strateji İnkişaf Planının reallaşması üçün məsləhətçi seçir. Palatadan bildirmişlər ki, məsləhətçi seçimi "Korporativ və Dövlət Sektorunda Hesabatlılıq" layihəsi (CAPSAP) çərçivəsində həyata keçirilir.
Məsləhətçi xidmətləri İsveçrənin İqtisadi Məsələlər üzrə Dövlət Katibliyinin (SECO) ayıracağı qrant hesabına həyata keçiriləcəkdir.
Məsləhətçinin vəzifələrinə Hesablama Palatasının illik iş planının, işlərin gedişatı haqqında aylıq hesabatların hazırlanması, başlanğıc, aralıq və yekun hesabatların tərtib edilməsi, layihənin bütün aspektlərinin monitorinqi və qiymətləndirilməsi daxildir.
Xidmətlərinin müddəti 24 aydır.
Ərizələr yanvarın 15-dək qəbul ediləcəkdir.

AzərTAc