Türkiyənin Çorum vilayətində polisin keçirdiyi əməliyyat tədbirləri nəticəsində İstanbul istiqamətində hərəkət edən avtobusda xarici vətəndaşlardan 19 kiloqram 895 qram ağırlığında qızıl müsadirə olunmuşdur.
APA-nın "Cihan" xəbər agentliyinə istinadən verdiyi məlumata görə, qızıl avtobusun oturacaqlarının altında gizlədilibmiş.
Xəbərdə son üç ay ərzində eyni üsuldan istifadə etməklə polisin Azərbaycan və İran vətəndaşlarından ibarət 3 ayrı qrupa qarşı əməliyyat keçirdiyi bildirilib. Əməliyyatlar nəticəsində ümumi dəyəri 3,7 milyon türk lirəsi (təxminən 1,85 milyon manat) olan 38 kiloqram 856 qram qızıl ələ keçirilmişdir.