Mayın 24-də Azərbaycan Müdafiə Nazirliyinin Beynəlxalq Hərbi Əməkdaşlıq İdarəsinin rəisi, general-mayor Ramiz Nəcəfov ölkəmizdə səfərdə olan Belçika Krallığı Senatının fəxri prezidenti, Müdafiə və Xarici Əlaqələr Komissiyasının sədri xanım Anne Marie Lizinlə görüşmüşdür.
Müdafiə Nazirliyinin mətbuat xidmətindən verilən məlumata görə, Ramiz Nəcəfov regionda vəziyyət və Müdafiə Nazirliyinin beynəlxalq hərbi əlaqələri barədə qonağa məlumat vermişdir.
Səfəri çərçivəsində Quba məzarlığını ziyarət etdiyini və erməni vəhşiliklərindən dəhşətə gəldiyini bildirən belçikalı qonaq Azərbaycanın haqq səsini beynəlxalq ictimaiyyətin diqqətinə çatdırmağa çalışacağını vurğulamışdır.
AzərTAc{nl}