"Hazırkı Ermənistan tarixi Azərbaycan və Gürcüstan əraziləri hesabına süni şəkildə yaradılmışdır"
"Bu bir faktdır ki, hazırkı Ermənistan Azərbaycan və Gürcüstan əraziləri hesabına süni şəkildə formalaşdırılıb. Ermənistan iki canlı orqanizmdən amputasiya edilmiş bir yara kimidir. Bizim xalqlar və dövlətlərimiz zorla erməniləşdirilən ərazilərimizi geri istəməlidirlər".
APA-nın məlumatına görə, bu açıqlamanı jurnalistlərə Suxumi Universitetinin professoru, tarix elmləri doktoru Quram Marxulia demişdir. O qeyd etmişdir ki, İrəvan qalasının mövcudluğu danılmazdır: "Bu gün Azərbaycana aid İrəvan xanlığının ərazisində Ermənistan yerləşir. Aydındır ki, Azərbaycan şəhəri erməni dövlətinin paytaxtı elan olunmuşdur. Ermənilər Azərbaycan dövlətinə məxsus abidələri dağıdıblar. Onlar bilirlər ki, zaman keçəcək və tarix faktlarla bu ərazilərin ermənilərə məxsus olmadığını sübuta yetirəcək".
Q.Marxuliyanın sözlərinə görə, Ermənistan İrəvan qalasını dağıtmaqla azərbaycanlılara məxsus ərazilərdən Azərbaycan izini silməyə çalışıb: "Ermənilərin İrəvan qalasını dağıdaraq yer üzündən silmələri cinayətdir".