Fransanın Milli Assambleyasında 1915-ci il hadisələri ilə bağlı erməni iddialarının inkarını cinayət sayan qanun layihəsinin qəbul olunmasını biz təşkilat olaraq rədd edirik.
Bu sözləri "Müsəlman cəmiyyətlərində dəyişiklik və qadının rolu" mövzusunda keçirilən konfransda iştirak edən İslam Əməkdaşlıq Təşkilatının baş katibi Ekmələddin İhsanoğlu Anadolu agentliyinə açıqlamasında demişdir.
E.İhsanoğlu vurğulamışdır ki, Fransa dövlətinin təməlində azadlıq, bərabərlik və ədalət prinsipləri dayanır. Bu üç prinsipdən ikisi artıq pozulmuşdur. Peyğəmbərimizi, müqəddəs dəyərlərimizi təhqir edənləri biz tənqid edərkən bunun fikir və ifadə azadlığı olduğunu deyirlər. Bizim müqəddəslərimiz haqqında qeyri-etik karikaturaların çəkilməsini fikir azadlığı ilə əsaslandıranlar bu gün ədalətsiz bir qanun qəbul edirlər. Bu, qəbuledilməz bir ziddiyyətdir.