Avropa İttifaqı Nazirlər Şurası Azərbaycan ilə viza rejiminin sadələşdirilməsi haqqında danışıqlara başlamaq üçün Avropa Komissiyasına mandat vermişdir.
Bu barədə müvafiq qərar Avropa İttifaqı Nazirlər Şurasının Brüsseldə keçirilən iclasında qəbul edilmişdir. Burada əsasən zəruri olan sənədlərin və müvafiq rüsumun azaldılması, həmçinin tələbələr, idmançılar, jurnalistlər, iş adamları üçün sadələşdirilmiş vizanın verilməsi nəzərdə tutulur. Müvafiq mandat aldıqdan sonra Avropa Komissiyası Azərbaycan ilə bu məsələ ilə əlaqədar danışıqlara başlaya biləcəkdir.
AzərTAc